Астанада ҚР Тұңғыш Президенті қоры сыйлығының лауреаттары марапатталды (ФОТО)
Бұл сыйлықтың негізін 2008 жылы ҚР Тұңғыш Президенті – Ұлт көшбасшысы қоры қалаған. Республикалық конкурсқа төмендегі бірегей зерттеулер мен әзірлемелер, шығармашылық жобалар және бағдарламалар ұсынылады: музыкалық, театралды және бейнелеу өнері, кинематография, көркем әдебиет, журналистика, физика, математика, инженерлік, қоғамдық және гуманитарлық ғылымдар.
«Конкурс ашылған жылдан бері қор үшін де, интеллектуалды және шығармашыл қоғам үшін де маңызды оқиғаға айналды. Тұңғыш Президенті қоры сыйлығының лауреаты атағы дарынды жас ғалымдар мен шығармашылық адамдарына беріледі. Осы азаматтар Қазақстанның жаңа ғылымы мен мәдениетін қалыптастырады. Біз өз лауреаттарымызбен мақтанамыз. Олардың көбісі елімізді халықаралық ареналарда танытып жүр», - дейді ҚР Тұңғыш Президенті қорының атқарушы директоры Сағындық Нұраханов.
