Шымкент қаласының жаңа қоныс иелеріне 420 пәтердің кілті берілді

Барлығы, 2015 жылы Республика бойынша Астана, Алматы, Ақтөбе, Ақтау, Қарағанды, Көкшетау, Қостанай, Қызылорда, Павлодар,  Тараз, Талдықорған қалаларында, сондай-ақ Алматы мен Шығыс Қазақстан облыстарында жалға берілетін тұрғын үйдің 427 420  шаршы м. немесе 7 237 пәтер пайдалануға берілді.

Бақытты жаңа қоныстанушылар арасында – мемлекеттік қызметкерлер, бюджеттік ұйымдардың қызметкерлері, толық емес отбасы, әскери қызметкерлер, көп балалы отбасылары, мүгедек бала тәрбиелеп отырған отбасылары, жетім балалар және оралмандар бар.

Жалға берілетін тұрғын үй құрылысы мемлекеттің қолдауымен жүзеге асып отыр. Сіздер білесіздер, еліміздің  Президенті Нұрсұлтан Назарбаев «Нұрлы Жол – Болашаққа бастар жол» деп аталатын Қазақстан халқына 2014 жылғы 11 қарашадағы Жолдауында қолжетімді тұрғын үйлерді салу жолдарын қайта қарастыруды тапсырған болатын. Нәтижесінде Үкіметпен Өңірлерді дамытудың 2020 жылға дейінгі бағдарламасы бекітілді, онда жалға берілетін тұрғын үйлерге ерекше көңіл бөлінген.

Осы аптада өткен Үкіметтің кеңейтілген отырысында Елбасы салалардың дамуына жаңа серпін берді. Президент тұрғын үй құрылысын дамытуға 360 млрд. теңге бөлуге тапсырма берді, оның 53 млрд. теңгесі - Қазақстан Ипотекалық Компаниясының желісі бойынша жалға берілетін тұрғын үй құрылысына арналған. Яғни,  біз қосымша 250 мың шаршы м. шамасында қосымша тұрғын үйлерді салуымыз керек деген сөз»-, деп атап өтті «Қазақстан Ипотекалық Компаниясы» ИҰ» АҚ Басқарма Төрағасының орынбасары Бейсембаев Құдайберген Зейноллаұлы.

Өңірлерді дамытудың 2020 бағдарламасы аясында 2016 жылы 326 мың шаршы м. жалға берілетін тұрғын үйді пайдалануға беруді қарастырып отырғанын айтқымыз келеді.