Қазақстанда барлық деңгейлі мәслихат депутаттығына 7800-нан астам үміткер ұсынылды

“Партиялық тізімдер бойынша сайланатын Парламент Мәжілісінің депутаттығына кандидаттарды ұсыну қорытындылары бойынша ҚР ОСК-на  6 партиялық тізім ұсынылғанын атап өтті. Қазіргі уақытта олардың бесеуін Ортсайлауком тіркеді. Партиялық тізімдерді тіркеу 19 ақпанға дейін жүргізіледі”, - деді М.Сәрсембаева.

Мәслихаттар депутаттығына кандидаттарды ұсыну белсенді өтуде. Облыстық, Астана және Алматы қалаларының аумақтық сайлау комиссиялары ұсынған мәліметтерге сәйкес 12 ақпандағы сағ. 9-00-дегі жағдай бойынша барлық деңгейдегі мәслихаттар депутаттығына барлығы 7885 кандидат ұсынылды.

Олардың 866-сы – облыстық мәслихаттарға, 34-і – астана мәслихатына, 133-і – Алматы қалалық мәслихатына ұсынылды.

“Аудандық мәслихаттарға 5403 кандидат, қалалық мәслихаттарға – 1449 кандидат ұсынылды.Осылайша, бір депутаттық мандатқа орташа бәсекелестік қазіргі уақыттың өзінде 2-ден астам адамды құрайды”, - деді ол.