Н. Жазылбеков: 2013 жылы ТКШ жаңғырту үшін республикалық бюджеттен көк тиын бөлінбеді
13 Қараша, 2013 17:05
2013 жылы ТКШ жаңғырту үшін республикалық бюджеттен көк тиын бөлінбеді, деп ҚР Парламент Мәжілісінің пленарлық отырысында депутат Нұрлан Жазылбеков мәлімдеді.
«2011 жылы аталмыш бағдарламаны жүзеге асыру үшін республикалық бюджеттен 10,5 млрд теңге бөлінді.Ал, 2013 жылы 26 млрд теңге қаражат қажеттілігінде, республикалық бюджеттен көк тиын бөлінбеді», - деді депутат.
Н. Жазылбековтың айтуынша, «2011-2020 жылға арналған ТКШ жаңғырту» бағдарламасына немқұрайлы көзқарас қалыптасты, себебі халықтан шағымдар түсу көбеюде.
«2014 жылға Үкімет 8 млрд теңгені бөлуді жоспарлап отыр. Бұны қалай түсінеміз? Әлде Үкімет бұл бағдарламаны керексіз деп санай ма?», - деп мәлімдеді мәжілісмен.
