2016 жылы 6 шекаралық бекетте автожолдарды жөндеу жоспарланған
«ҚазАвтоЖол» ҰК» АҚ Басқарма төрағасының орынбасары Әліпов Ұлан өз сөзінде, Ұлт жоспарының 58-і қадамын жүзеге асыру жөнінде атап өтті. Сонымен бірге, республикалық маңызы бар автомобиль жолдарын күтіп ұстау, оларға ақылы жүйені енгізу және жол бойындағы қызмет көрсетуді дамыту мәселелері талқыланды.
Компанияның алдында тек жолды салу мақсаты ғана емес, сонымен бірге барлық салынған жолдарды сапалы түрде күтіп ұстау қажет екендігін атап өтті. Қазіргі уақытта жолдарды күтіп ұстауға 13 млрд. теңге бөлінеді, бірақ норматив бойынша жыл сайын жол желісін сапалы күтіп ұстау үшін 45 млрд. теңге бөлу қажет. Сонымен бірге, ақылы жолдардан жиналған қаражат, жолдарды күтіп ұстауға бағытталады.
Тек қайта қалпына келтірілген немесе күрделі жөндеуден өткен жол учаскелері ғана ақылы болады, - деп Әліпов Ұлан айтып өтті. 2016 жылы Астана-Атбасар жолында ауыр жүк автомобильдеріне және Қызылорда-Шымкент автокөлік жолында барлық көлік түрлеріне ақылы жүйе енгізіледі.
Баспасөз мәслихатында жол жиегіндегі қызмет көрсету сервистері туралы мәселесіне де тоқталып өтті. Өткен жылдың қазан айында Ұлт жоспарының 58-і қадамын жүзеге асыру бойынша жол бойындағы қызмет көрсетуді дамыту жөнінде Компания жаңа өкілеттілікке ие болды. Қызмет көрсету нысандарына талап қоятын Ұлттық стандарт іске қосылды.
Әліпов Ұлан атап өткендей, «Нұрлы жол» инфрақұрылымды дамыту Мемлекеттік бағдарламасы аясында 2020 жылға дейін 260 қызмет көрсету нысандарын құруға және толықтыруға талап қойылған. 2015 жылдың қорытындысы бойынша 22 қызмет көрсету объектілері пайдалануға берілді. 2016 жылы республикалық маңызы бар жол бойындағы қызмет көрсету жөніндегі 26 объектіні пайдалануға берілу жоспарланып отыр.
