Қысқы Универсиадасының медальдік есебінде Қостанай мемлекеттік университеті көш бастап тұр
11 Ақпан, 2016 19:58
Алматыда Ұлттық Универсиада жалғасуда. 2016 жылғы 10 ақпандағы жағдай бойынша 34 команданың арасында жалпы медальдік есепте А. Байтұрсынов атындағы Қостанай мемлекеттік университеті көш бастап тұр.
Университеттің қоржынында 9 медаль: 3 алтын, 4 күміс және 2 қола, деп хабарлады БҒМ.
Екінші орында Манаш Қозыбаев атындағы Солтүстік Қазақстан мемлекеттік университеті. Жоғары оқу орнының командасы 9 медаль, оның ішінде 3 алтын, 3 күміс және 3 қола жүлдені иеленді. Студенттік спартакиаданың жалпы есебінде әзірге үшін орынды Қазақ спорт және туризм академиясы ұстап келеді. ҚСТА есебінде 6 медаль: 3 күміс және 3 қола.
Абай атындағы Қазақ ұлттық педагогикалық университеті, Қ.Сәтбаев атындағы Қазақ ұлттық техникалық университеті, М. Әуезов атындағы Оңтүстік Қазақстан мемлекеттік университеттері 1 марапаттан алды.
