2016 жылдың шақырылушыларын алдын ала зерделеу басталды
Оның барысында 1999 жылы туылған қазақстандықтар әскери есепке алынады. Жергілікті әскери басқару органдары төрт құрылымға, яғни, ҚР Қарулы Күштері, Ұлттық ұлан, Мемлекеттік күзет қызметі және Шекара қызметіне шақыруды жүзеге асырады.
Осы ведомстволардың әрқайсысы болашақ сарбаздарының істерін зерделейтін штаттық қызметкерлермен ұсынылған. Жергілікті әскери басқару органдарымен бірлесе азаматтарды жасақтау және зерделеуге ҚР ІІМ өкілдері атсалысады. Медициналық комиссия құрамына қорғаныс істері жөніндегі бөлімдер мен департаменттердің өкілдері кірмейді. Оны әскери-дәрігерлік сараптама мәселелері жөніндегі дайындығы бар анағұрлым білікті дәрігер мамандар, яғни, хирург, терапевт, невропатолог, психиатр, көз дәрігері, құлақ-мұрын дәрігері, дерматовенеролог, тіс дәрігері құрайды.
Әрі қарай шақырылымды тиісті өңірдің әкімі орынбасарының басшылық етуімен шақыру комиссиясы жүзеге асырып, комиссия құрамы бекітіледі. Оған денсаулық сақтау. ІІМ, білім, қоғамдық ұйымдар, Ұлттық қауіпсіздік комитетінің өкілдері кіреді. Мерзімді әскери қызметке азаматтарды дайындау және шақыру үздіксіз процесс екенін айта кетейік. Шақыру учаскелеріне тіркелген сәттен бастап және олар әскерге шақырылғанға дейін жергілікті әскери басқару органдары мерзімді әскери қызметке жататын азаматтарды жүйелі түрде зерделеуді жүргізеді. Зерделеу шақырылушының құжаттарын зерделеу әрі жас бозбаланың практикалық жұмыс жасауымен өткізіледі.
