• Басты
  • Халықаралық қаржы ұйымдары ҚР-ның жолға арналған жобаларының 70%-н қаржыландырады
11 Ақпан, 2016 16:18

Халықаралық қаржы ұйымдары ҚР-ның жолға арналған жобаларының 70%-н қаржыландырады

Ұзақтығы 4,7 мың шақырым болатын автожол жобасын іске асыру үшін 8 млрд. доллардан астам қаржы тарту жоспарлануда, деді ҚР ИДМ автомоблиль жолдары комитетінің төрағасы Амангелді Беков КҚО-да өткен баспасөз конференциясында.
Халықаралық қаржы ұйымдары ҚР-ның  жолға арналған жобаларының 70%-н қаржыландырады

«Автожолдарға арналған жобаларды қаржыландыру көздерінің бірі халықаралық қаржы институттары. Оларға қажетті қаржының 70%-ы жүктеледі. Ұзақтығы 4,7 мың шақырым болатын автожол жобасын іске асыру үшін 8 млрд. доллардан астам қаржы тарту жоспарлануда. Өткен жылы министрлік бұл мақсаттағы жұмыстардың бірқатарын жасап қойған. Ең бастысы Орталық-Батыс және Орталық-Оңтүстік, сонымен қатар, жеке учаскелік жобаларды қаржыландыру үшін ірі халықаралық қаржы ұйымдармен (Халықаралық даму банкі, Еуропалық, Азиялық, Ислам даму банкі) келісім жасауға қол жеткіздік»,-деді А. Беков.

Сонымен қатар, ол құрылысы жүргізілген Алматы – Қорғас жолының жобасы бірінші және екінші техникалық категорияға жататынын хабарлады.

«ҚХР-ң шекарасынан Қызылорда қаласына дейін төрт жолақты жол болады. Бұл 1 400 шақырымды құрайды. Қызылордадан РФ-ң шекарасына дейін екінші категориялы екі жолақты жол түседі. Бүгінгі таңда бұл жерде қозғалыс қарқыны екі есеге артып отыр. Бұл аралықта жолдың құрылысы аяқталғаннан кейін жол жүру уақыты 1,5 есеге қысқаратын болады және жолдағы қауіпсіздік деңгейі көтеріледі»,-деді А. Беков.

Барлық жаңалықтар