О.Чернышов: Парламенттің жаңартылған құрамы Елбасының қойған тапсырмаларын орындап шығады

11 Ақпан, 2016 15:52

ҚР Президентінің қойған тапсырмаларын орындау үшін Парламенттің жаңартылған құрамы қажет. Бұл жөнінде ШҚО Азаматтық альянсының төрағасы Олег Чернышов Strategy2050.kz АА берген сұхбатында айтып өтті.

«Президенттің Ұлт жоспары «100 нақты қадамындағы» бес инстутуционалды реформаны жүзеге асфыру тапсырмасы мен «Нұр Отан» партиясының съезінде айтылған тапсырмалар қазір орындалу керек және ол үшін жаңартылған Парламент керек. Жаңартылған Парламенттің негізгі тапсырмасы бұрынғы парламент қабылдаған заңнамалық актілерді іске асыру және жұмыс неғұрлым тез басталса, жалпы еліміз үшін жақсы болады»,-деді ол.

Жалпы, оның айтуынша Елбасының бағдарламасында негізгі идеяларды асыру тапсырмалары қойылған, яғни ел дамуының сапалық деңгейін дамытудың басым бағыттары бойынша материалды және шығармашылық қорлары шоғырландырылған. Ұлт көшбасшысымен нақты стратегияның серпіліс тұжырымдамасы жасалды.

Естеріңізге сала кетейік, Ұлт жоспары «100 нақты қадамды» іске асыру мақсатында 13 қаңтар күні Парламенттің төмеңгі палата депутаттары ҚР Президентіне Мәжіліс пен барлық деңгейлі мәслихатта мерзімнен бұрын сайлау өткізу туралы ұсыныстарын білдірді. Мемлекет басшысының 20 қаңтарда қол қойған жарлығына сәйкес, мерзімінен бұрын сайлау 2016 жылы 20 наурызда өткізіледі.

Индира Қауметова

Барлық жаңалықтар