С.Худяков: Кезектен тыс парламент сайлауы қоғамның нығаюына себеп болады
11 Ақпан, 2016 15:49
Кезектен тыс парламент сайлауы қоғамның нығаюына себеп болады. Бұл туралы СҚО азаматтық альянсының төрағасы Strategy2050.kz ақпарат агенттігіне берген сұхбатында айтты.
«Мен, қоғамдық ұйымның төрағасы ретінде 20 наурызда өтетін сайлауға дайындықты жіті қадағалап отырамын. Сайлауды кезектен тыс өткізудің қажеттілігі барынша түсінікті жеткізілді деп есептеймін. Мына әлемде болып жатқан жағдайға орай халық қалаулылары жылдам әрі тиімді шешім қабылдаулары үшін кезектен тыс сайлау өткізу өте қажет. Бұл сайлау қоғамның нығаюына себеп болады деп есептеймін»,-деді С. Худяков.
Оның айтуынша, экономикалық тұрғыдан парламент сайлауы мен мәслихат депутаттарын сайлауды бір уақытта өткізу дұрыс ойластырылған. Бұл жерде біріншіден уақыт үнемделеді және дағдарыс жағдайында бюджет қаржысы да үнемделеді.
Индира Кауметова
