ОҚО-дағы ХҚКО мамандары 4 млн-нан астам мемлекеттік қызмет көрсетті

12 Ақпан, 2016 08:37

Оңтүстік Қазақстан облысындағы халыққа қызмет көрсету орталықтары өткен жылы келушілерге 4 миллионнан астам мемлекеттік қызмет көрсеткен. Бұл туралы ОҚО Аймақтық коммуникациялар қызметінде өткен брифингте Оңтүстік Қазақстан облысы бойынша «ХҚКО» РМК директоры Серік Авганбайев мәлім етті.

Ал жергілікті атқарушы органдары тарапынан ұсынылатын 22 қызмет түрі бойынша 2015 жылы 65 мыңнан астам оңтүстікқазақстандық электрондық үкімет порталының қызметіне жүгінген. Сондай-ақ, 500 мыңға жуық тұрғын сандық қолтаңба алып, «Connection point» өзіне-өзі қызмет көрсету секторындағы электрондық үкімет порталында мемлекеттік қызмет алуға үйренуде.

Мұнда азаматтар өздігінен е-қызметтерді алуға және коммуналдық қызметтерді төлеу, салық және айыпты өтеу секілді электрондық сервистерді қолдана алады.

Баспасөз мәслихатында Серік Авганбайев мүмкіндігі шектеулі және шалғай ауылдарда орналасқан тұрғындарға мемлекеттік қызметтерді ұсыну бойынша Мобильдік топ шалғай ауылдар мен мүгедектерге 1190 рет шығып, 37 мыңға жуық мемлекеттік қызмет көрсетсе, жыл басынан бері 9 мың шамасында қызмет көрсетілген. Үш миллионға жуық тұрғыны бар өңірде 30 халыққа қызмет көрсету орталығы тұрғындарға сапалы қызмет көрсетуде.

Барлық жаңалықтар