Рудный қаласында 16 үміткер қалалық мәслихат депутаттығына ұсынылды

11 Ақпан, 2016 14:47

Рудный қаласында 16 үміткер қалалық мәслихат депутаттығына және 5 үміткер Қостанай облыстық мәслихатына ұсынылды, деп «Нұр Отан» партиясының Рудный қалалық филиалы төрағасының бірінші орынбасары Самат Байғожин Strategy2050.kz АА берген сұхбатында айтып өтті.

«Сайлауға дайындық жұмыстары толығымен өткізілуде. Қала бойынша 51 сайлау учаскесі жұмыс істейтін болады. Бізде партияның 2 бөлімшесі бар, аудандық және қалалық бөлімшелер «Соколов-Сарыбай тау-кен байыту өндірістік бірлестігі» АҚ-да (ССТБӨБ) орналасқан. «ССТБӨБ» АҚ 21 мыңнан астам қызметкер бар және уақытылы «Нұр Отан» партиясының аудандық бөлімшесі ашылды»,-деді С.Байғожин.

«Рудный қаласында 16 үміткер қалалық мәслихат депутаттығына және 5 үміткер облыстық мәслихатына ұсынылды. Толық тіркеуге құжаттар керек, қазір дайындық жұмыстары жүргізілуде. Жалпы сайлауға дайындық жұмыстары толық атқарылуда»,-деді С.Байғожин.

Естеріңізге сала кетейік, Мемлекет басшысы V шақырылымдағы Парламент Мәжілісі өкілеттігін тоқтату туралы Жарлығына қол қойды. Мерзімінен бұрын сайлау 2016 жылы 20 наурызда өткізіледі.

Ботагөз Айтжанова

Жеке мұрағаттан алынған сурет

Барлық жаңалықтар