10 жыл iшiнде БАӘ-дан Қазақстанға тартылған инвестициялардың жалпы көлемi 2 млрд долларды құрады

11 Ақпан, 2016 13:02

10 жыл iшiнде БАӘ-дан Қазақстанға тартылған инвестициялардың жалпы көлемi 2 млрд долларды құрады..Бұл туралы бүгiн Ақордада Қазақстан Республикасының Мемлекеттiк хатшысы Гүлшара Әбдiқалықова мен Қазақстандағы Бiрiккен Араб Әмiрлiктерiнiң Төтенше және өкiлеттi Елшiсi Сухейл Матар әл-Кетбимен өткен кездесу барысында мәлiм болды.

Кездесу барысында Мемлекеттiк хатшы Қазақстанда «ЭКСПО-2017» көрмесiнiң тұғырнамасында құрылған «Астана» халықаралық қаржы орталығының Дубай Халықаралық Қаржы Орталығының тәжiрибесiн бойына сiңiретiнiн назарға алды. Сондай-ақ, «Астана» ХҚО Қазақстанның қаржылық инфрақұрылымының өзегiне, бүкiл Орталық Азия өңiрiндегi iрi iскерлiк хабына айналуы тиiс дедi.

Атап өтсек, өткен 10 жыл iшiнде БАӘ-ден тартылған инвестициялардың жалпы көлемi 2 млрд долларды құрады. Бiрiккен Араб Әмiрлiктерi Қазақстанмен тауар айналымы бойынша Шығанақтағы араб елдерiнiң арасында 1-шi орында тұр.

2015 жылғы қаңтар-қараша аралығында Қазақстан мен БАӘ арасындағы тауар айналымы 97 млн долларды құрады. Қазақстанда туризм, көлiк-экспедициялық сервис, тұтынушыларға қызмет көрсету салаларында Әмiрлiктер капиталы қатысып отырған 50 кәсiпорын тiркелген.

Барлық жаңалықтар