Сенат Еуразиялық тұрақтандыру және даму қорына қатысты заң жобасын қабылдады

«Еуразиялық экономикалық қауымдастықтың Дағдарысқа қарсы қоры 2009 жылы құрылды. Сол жылы Қазақстан осы Қорды құру туралы шартты және оның қаражатын басқару туралы келісімді ратификациялады. Оған қатысушылар алты ел: Армения, Беларусь, Қазақстан, Қырғызстан, Ресей және Тәжікстан. Сіздердің назарларыңызға ұсынылып отырған заң жобасы қорды құру туралы шартқа және оның қаражатын басқару туралы Келісімге редакциялық және функционалдық түзетулер енгізуді көздейтін хаттамаларды ратификациялауға арналған", - деді ол.

Оның айтуынша, редакциялық түзетулер Еуразиялық экономикалық қауымдастықтың қызметінің тоқтатылуымен байланысты. Осылайша, Қордың атауы Еуразиялық тұрақтандыру және даму қоры деп өзгертілді, және Депозитарий функциясы Ресей Федерациясының Сыртқы істер министрлігіне жүктелді. Функционалдық түрдегі толықтыру гранттар беру арқылы Қордың таза пайдасын пайдалануға мүмкіндік беретін ереже енгізуді көздейді.

йГранттар кіріс деңгейі төмен Қорға қатысушы-елдерге қайтарымсыз негізде осы елдердің әлеуметтік салаларындағы бағдармаларды қаржыландыру, білім беру және денсуалық сақтау сапасын жоғарылату үшін беріледі. Бұл өзгерістер мен толықтыруларды Қор Кеңесі 2015 жылы қабылдады. Олар жеке Хаттамалармен енгізілді және ратификациялануы тиіс», - дейдi ҚР Қаржы министрі Б.Сұлтанов.