Сенат ҚР мен РФ арасында ұшу-сынақ орталығын пайдалану келісіміне енген өзгерістерді мақұлдады

Хаттама келісім мәтіне өзгертулер мен толықтырулар енгізу және келісімнің қосымшасына түзетулер енгізуді қарастырады. Ресейлік тараптан жер әчаскелерін қысқарту, қаазқстандық тараптың полигон аймағындағы жерлерді қолданудың тәртібін енгізу, ауыл шаруашылық және гелогиялық барлау жұмыстарын жүргізуде қазақстандық тараптың тәртіп сақталуы сынды өзгерістер енгізілді.

«Хаттама бойынша Қазақстан облыстарының аумағындағы жалпы алаңы 580 мың гектардан астам полигон учаскелері жалдаудан шығарылады. Айта кету керек, Ресей тарапына нақты қажетті өлшемді анықтау мен әскери полигондар алаңын қайта қарау туралы тапсырманы Елбасы жүктеген. Сонымен қатар, жалға алынып отырған жерді қайтару туралы бастаманы мүдделі министрліктер де, тиісті облыс әкімдіктері де көтерген болатын», -деді Парламент Сенатының жалпы отырысында ҚР Қорғаныс министрінің орынбасары, генерал-лейтенант Оқас Сапаров.

Хаттаманың ратификациясы заңнамалық түрде полигонды болашақта қолдану мәселесін реттеуге мүмкіндік береді. 

Айта кетейік, хаттамаларға 2015 жылғы 16 сәуірде Мәскеуде қол қойылған. «1995 жылғы 20 қаңтардағы Қазақстан Республикасы мен Ресей Федерациясы арасындағы Ресей Федерациясы Қорғаныс министрлігінiң 929 Мемлекеттік ұшу-сынақ орталығын пайдалану тәртібі туралы келісімге өзгерістер мен толықтырулар енгізу туралы хаттаманы ратификациялау туралы» ҚР Заңын қабылданған.

Индира Кауметова