«Нұрлы жол»: 2016 жылы Алматы облысында Алматы-Өскемен автожолы қайта жаңғыртылады

11 Ақпан, 2016 20:43

«Нұрлы Жол» инфрақұрылымдық даму бағдарламасы бойынша «Алматы-Қапшағай» автожолы қайта жаңартылды, бұл бағыттағы қозғалыс қазір ашылды, деп мәлімдеді Алматы облысының әкімі Амандық Баталов халық алдында берген есебінде.

Осы бағдарлама шеңберінде қайта жаңартылған «Алматы-Өскемен» автожолының 113 шақырымы пайдалануға берілді.

2016 жылы Алматы-Өскемен атожолын және Сарқан қаласын айналып өту жолын қайта жаңарту жұмыстарын аяқтау жоспарлануда.

Ұзындығы 23 шақырым болатын «Бірлік-Алмалық-Рысқұлов-Қазқұрылыс» автожолының құрылысы салынуда. Облыстық маңызы бар 59,6 шақырым жолға және 7 көпірге күрделі жөндеу, 245,7 шақырымына орташа жөндеу, 274,4 мың шаршы метріне ағымдағы жөндеу жүргізілді.

Автомобиль көлігімен 2015 жылы 167,2 млн. тонна жүк тасымалданды, бұл 2014 жылға қарағанда 4,6%-ға артық, Сонымен қатар 706,7 млн. жолаушы тасымалданды, бұл 2014 жылмен салыстырғанда 108% өсімді құрады.

Облыстың елді мекендерін тұрақты автобус қатынасымен қамтамасыз ету мақсатында Қарасай ауданында 1 ауданаралық және Жамбыл мен Қаратал аудандарында 2 ауданішілік маршруттар ашылған.

Барлық жаңалықтар