ОҚО-да аудан, қалалардағы жергілікті полиция қызметінің бастықтары тағайындалды
11 Ақпан, 2016 18:57
ОҚО әкімінің өкімімен ОҚО ІІД жергілікті полиция қызметінің аудан, қалалардағы ІІБ жергілікті полиция қызметінің бастықтары тағайындалды, деп хабарлады ОҚО әкімдігі.
«Жаңадан тағайындалған 19 бастық облыстағы 15 аудан, қала мен Шымкент қаласына қарасты 4 аудандағы құқықбұзушылықтың алдын алу жұмыстарын ұйымдастыратын болады», - делінген хабарламада.
Еске сала кетейік, осы жылдың басында өңірімізде ОҚО ІІД жергілікті полиция қызметі құрылып, оның бастығы лауазымына Б.Абылаев тағайындалған болатын.
Мемлекет басшысы Н.Назарбаевтың «Ұлт жоспары – «100 нақты қадам» негізінде құрылған аталмыш қызмет жүйесі бұдан былай өңірдегі заң бұзушылықтарды анықтауға, зерделеуге және жоюға бағытталған шараларды ұйымдастырып, қоғамдық тәртіпті қадағалап, жол жүрісін және оның қауіпсіздігін қамтамасыз ететін болады.
