Әлемнің 20 елінен келген әскери атташе ҚР ҚК-нің әскери полицейлерін қалай дайындайтынын көрді (ФОТО)
Әскери қызметшілер әскери полиция органдарының қызметін ұйымдастыру, сондай-ақ ҚР ҚК-де қылмыстық қудалауды, заңдылық пен құқықтық тәртіпті қамтамасыз ету мәселелерін талқылады.
«Қазіргі уақытта Ақмола өңірлік гарнизонының әскери полиция мамандарын даярлау орталығының базасында 1 500-ден аса әскери қызметші оқудан өтті», - деді ҚР ҚК Әскери полициясы бас басқармасы бастығының орынбасары полковник Ерік Құрбанов.
Әскери полиция органдарына «Адалдық, бастама, көмек және тәртіп» қағидатына сәйкес әскери полицейлер жақсы атқарып жүрген құқықтық тәртіпті бір қалыпта ұстап тұру жөніндегі маңызды тапсырмалар жүктелген.
Әскери атташелерді ҚР ҚК әскери полицияның тыныс-тіршілігімен таныстырды, әскери полицейлердің арнайы киім нысанының керек-жарағын, сондай-ақ оқу бағдарламаларын, оқыту пәндері мен орталықты дамыту перспективаларын көрсетті, Олар орталықтың қызметі мен ҚР ҚК әскери полицияның әскери қызметшілерін даярлау жүйесіне жоғары баға берді. «Аталмыш кездесудің жоғары деңгейде өткеніне алғысымды білдіргім келеді. Бұл кездесу кәсіби ортамызда бастапқы жұмысымызға серпін беріп, шабытымызға шабыт қосатынына кәміл сенімдімін», - деді ҚР-дағы Норвегияның әскери атташесі контр-адмирал Гуннар Хелёе.
