Жас журналистер, блоггерлер мен белсенділер ҚР-дағы жастар саясатының жүзеге асуын талқылайды
13 Қараша, 2013 16:06
Астанада 20-21 қараша аралығында «Жас медиа» атты республикалық жастар медиа-форумы өтеді, деп Қазақстанның жас депуттар қауымдастығының баспасөз қызметі хабарлады.
« « Жас медиа» жастар медиа-форумы ҚР Президентінің жанындағы жастар саясаты кеңесінің 5 жылдығына арналды», - деп хабарламада нақтыланған.
Форум аясында жастар саясатын жетілдіру сұрақтары бойынша пленарлық отырыс болып өтеді.
Сонымен қатар, «Рахмет» сыйлығымен «Сенің көзқарасың» шығармашылық конкурсына қатысқан жас журнелистер,блоггерлер, жастар саясатына өз үлесін қосқан белсенділер тобы марапатталады.
«Форумда жас журналистер арасында ақпаратты тиімді пайдалану және таратудың жолдары бойынша мастер-класс өткізіледі. Сонымен қатар, жас журналист, блоггер, белсенділер арасында жедел ақпарат көзін әлеуметтік желі арқылы тарату мәселесі де қарастырылады», - деп Қазақстанның жас депутаттар қауымдастығы нақтылады.
