ИИДМБ: Калий тұзы мен гербицидтер өндіретін зауыт құрылысына 2 млрд теңге бағытталды
11 Ақпан, 2016 09:58
Ақмола облысының әкімі Степногорск қаласына барған жұмыс сапарында жаңа нысан - Калий тұзы мен гербицидтер өндіретін зауыт жұмысымен танысты.
Облыс әкімдігі хабарлағандай, аталмыш жобаның құны 2 млрд теңгені құрайды, өңірлік индустрияландыру картасына енді. Жоба қуаттылығы – жылына 20 млн литр өнім өндіру. Жаңа мекеменің іске қосылуы 80 степногорлықты жұмыспен қамтиды.
«Астана-Нан» ЖШС директоры Мұрат Сәрсенбаевтың айтуынша, жаңа нысанды осы жылдың 1 сәуірінде іске қосу жоспарланған. Болашақта кәсіпорын 25 өнімді Қазақстанда, 75 пайызды – Кедендік одақ пен Украинаға шығаруды жоспарлап отыр. Өнім шикізаты Еуропа, Қытай мен Қазақстаннан алынды.
Айта кетейік, «Астана-нан» ЖШС негізінде өткен жылы 200 млн теңгенің петицид пен су грануласын өндіретін жоба жүзеге асқан. Кәсіпорын қуаттылығы 12 тонна.Нысанның ашылуы 20 жұмыс орнын ұсынады.
