Чех кәсіпкерлері Ақтөбе облысының ауыл шаруашылығы мен құрылысына инвестиция құюды жоспарлауда
Аудан әкімдігінің хабарлауынша, Чехия елшісі Ақтөбе облысына іскерлік қарым-қатынас жасау мақсатында іс-сапармен келді. Чехия делегациясы Ақтөбе облысындағы ауыл шаруашылығы, құрылыс және білім саласын инвестциялауға дайын екендіктерін айтты. Қазіргі таңда бірлескен даму жоспарын ақтөбелік екі кәсіпкер атқаруда, деп Қазақстан мен Орталық Азиядағы Чехия мен Словакиядағы жобаның әкімшісі Антон Кафштайн хабарлады.
Өз сөзінде Ақтөбе облысының әкімі Б.Сапарбаев қазақстандықтардың чех бизнесмендерімен ортақтасып жұмыс жасау ынталарын ескере отырып, кәсіпкерлікті дамыту мақсатында өңірде барлық жағдайдлардың жасалып жатқандығын айтып өтті. Облыстың қолайлы географиялық жерде орналасуына орай бизнесті дамытуға өте қолайлы және біздің өңір ірі көліктік-логистикалық инфрақұрылым деп айта кетті.
«Ақтөбе облысының шағын және орта бизнесіне инвестция жасауға дайын Чехия елшілерімен қатар жергілікті әкімшілік тарапынан да көмек жасалатын болады. Қазіргі күні Ақтөбе облысында 200 гектар аумағында индустриалды аймақ бар және кәсіпкерлер, сонымен қатар шет елдің кәсіпкерлері қолайлы жағдайда жұмыс атқара алады»,-деді әкім.
Сөз барысында аймақ басшысы Чехияның медицинадағы жетістіктерін атап өтті. Осыған орай, Ақтөбе облысында медициналық кластер құрылысы бойынша инвестициялық жобаға қатысуға ұсыныс білдірді. Естерінізге сала кетейік, бұрын тиiстi шаралар Түркия мен Оңтүстік Корея өкілдерімен жасалды.
Алдағы уақытта ынтымақтастықты өрбіту мақсатында Ақтөбеде Чехия өкілеттігін ашу және Ақтөбе мен Чехия арасындағы тікелей әуе қатынасын орнату ұсынылды.
