2015 жылы «Жұмыспен қамту жол картасы»бойынша қатысушылардың 53%-ын жұмыссыздар құрды-Нұрымбетов
10 Ақпан, 2016 17:43
2015 жылы «Жұмыспен қамту жол картасына» 136 мың адам қатысты, олардың ішінде 53 пайызы жұмыссыз азаматтар, 47 пайызы өз-өзін жұмыспен қамтығандар, деп ҚР Денсаулық сақтау және әлеуметтік даму вице-министрі Біржан Нұрымбетов айтып өтті.
«2015 жылы «Жұмыспен қамту жол картасына» 136 мың адам қатысты, олардың ішінде 53 пайызы жұмыссыз азаматтар, 47 пайызы өз-өзін жұмыспен қамтыған тұрғындар. Бағдарламада басты негіз жастар мен әйелдерге беріледі. Жастар арасындағы қатысушылардың жасы 29 жас яғни 47 пайызды қамтыды, өткен жылы «Жұмыспен қамту жол картасына» әйелдердің 50 пайызы қатысты»,-деді ол.
Осымен қатар, вице-министрдің айтуынша, 2015 жылы ЖЖК-ға мүмкіндігі шектеулі 4400 адам қатысты, 3 мыңнан астамы 11 сынып түлектері, түрмеден босатылған 300 адам, 280 оралмандар мен 200 балалар үйінде тәрбие алып отырғандар мен жетім балалар болды.
