М. Танақұлов: Жолдаудың әр тармағында Мемлекет басшысы халықтың қамын ойлаған

«Президенттің жолдауымен танысқан сайын барлық жағдай түсінікті бола түседі. Онда еліміздің таңдаған жолмен жүріп келе жатқанын аңғаруға болады. Мәселен, мәселелердің жоспарлы түрде шешіліп келе жатқаны және жақын жылдарда жүзеге асатын жұмыстардың жоспары да айқын белгіленген. Әрбір жастың қуанатынындай істер атқарылуда. «Нұрлы жол» бағдарламасы арқылы жол құрылыстары мен қолжетімді баспана құрылыстары жүріп жатыр. Бұл бағдарламаларды жүзеге асыруда жастар үшін жұмыс орындары ашылуда»,-дейді М.Танақұлов.

Оның ойынша, Жолдаудың әр тармағы, әрбір бөлшегі қазақстандықтардың қамы үшін жасалағынана көз жеткізуге болады. 

«Егер сен мектеп оқушысы болсаң, үш ауысымда оқытатын оқу орындарын жою үшін мектептер салынып жатыр. Мектепті бітірдің бе, онда алғашқы мамандығыңды тегін оқуыға да жағдай жасалуда. Кәсіпкерлікпен айналысқың келе ме, онда мемлекет субсидия беріп көмектеседі. Дамыған 30 елдің қатарына кіруімізге экономикалық дағдарыс еш бөгет бола алмайды», деп нық сенім білдірді «Жас Отан» ЖҚ Солтүстік Қазақстан облысы филиалының төрағасы Мұса Танақұлов.

Еске сала кетейік, Мемлекет басшысы Н.Назарбев 2015 жылдың 30 қарашасында Қазақстан халқына жариялаған Жолдауында 2017 жылдан бастап «Барлығы үшін тегін кәсіби-техникалық білім» атты жаңа жобаның жүзеге асатынын хабарлаған болатын. Үкіметке аталмыш жобаны қолға алуды тапсырған еді.