ҚР ҚК-нің әскери қызметшілері ауыр сырқатқа шалдыққандар үшін шамамен 50 литр қан тапсырды (ФОТО)

10 Ақпан, 2016 17:59

ҚР Қарулы Күштері «Астана» өңірлік қолбасшылығының жүзден аса әскери қызметшісі «Өмір сыйла» атты қайырымдылық акциясы аясында ауыр сырқатқа шалдыққандарды қолдау үшін 50 литр қан тапсырды, деп хабарлады Қорғаныс министрлігі.

Акцияға еркін негізде «Астана» өңірлік қолбасшылығының 46298 және 85510 әскери бөлімдерінің әскери қызметшілері қатысты. Қан алмастыру орталығының қызметкерлері экспресс-талдаулар жүргізіп, әскери қызметшілердің денсаулық жағдайын диагностикадан өткізді.

Мұндай акцияларды өткізу әскери қызметшілердің өздерінің денсаулығына да оң ықпал етеді, қан айналымы жақсарады, ағзаның оң сергуі қалыпта болатынын айта кеткен жөн.

Аталмыш іс-шараларға әскери қызметшілер әр жыл сайын қатысады. Тапсырылған қан қан құю орталығындағы банкіде сақталады. Қазіргі уақытта әскери қызметшілердің денсаулық жағдайы жақсы деп бағаланады. Азын-аулақ шай мен шоколад, мінеки, офицерлер мен сержанттар Отан күзетуге әзір болып шыға келді. Мұндай іс-шаралар ҚР Қарулы Күштерінде ұдайы негізде өткізіліп тұратынын естеріңізге сала кетейік. ҚР ҚК-нің әскери қызметшілері Қазақстанда донорлық істің дамуы ісіне өздерінің үлесін қосуда және қазіргі таңда донорлық қанға мұқтаж адамдарға көмектеседі.

Барлық жаңалықтар