Транстелеком Астана ЭКСПО-2017 ресми серіктесі атанды
«Транстелеком» – еліміздің ірі ІТ және байланыс операторларының бірі. Ол телекоммуникация, ақпараттық коммуникация саласында кең ауқымды қызмет көрсете алатын бірегей компания, сондай-ақ ІТ интегратор болып табылады.
«Қазақстандық компанияның инновациялық жобаларды сәтті жүзеге асырып жатқандығын көру көңіл қуантады. Транстелекомнің ауқымды филиалдық жүйесі бар, бұл бүкіл Қазақстан көлемінде ЭКСПО көрмесін кең тарауына ықпал етеді. Сондықтан біздің жобамызға Транстелеком сынды алдыңғы қатарлы компаниялардың қатысуы еліміздің болашаққа деген сенімін нығайтып, Елбасы тапсырмасының орындалуын қамтамасыз етеді» - деді өз сөзінде Ахметжан Есімов.
«Халықаралық мамандандырылған ЭКСПО-2017 көрмесінің ресми «ІТ серіктесі» болу «Транстелеком» үшін үлкен мәртебе. Әлбетте, ЭКСПО-2017 Қазақстан үшін маңызды шаралардың бірі. Бүгінгі таңда «Транстелеком» АҚ «Астана ЭКСПО-2017» ұлттық компаниясымен бірлесіп жұмыс істеуде. Біз іс-шараның мәні мен маңызы түсіне отырып, оған үлкен жауапкершілікпен қараймыз», - деді компания Президенті Дәурен Пішембаев.
Алдағы уақытта «Астана ЭКСПО-2017» ұлттық компаниясы «Транстелеком» АҚ халықаралық көрмені өткізу бағытында бірлескен іс-шаралар өткізетін болады.
Сондай-ақ, «Транстелеком» АҚ ЭКСПО-2017 көрмесі барысында «Ұйымдастырушылар кеңсесін» телефония мен интернетпен қамтамасыз етіп, шетелдік қатысушылар үшін VPN қолжетімділігін техникалық тұрғыдан жағдай жасап, көрме қонақтарына бүкіл көрме өтетін кезең барысында интернет желісін ұсынатын болды.
Айта кету керек, көрмені өткізуге 10-нан аса ірі компания тартылып отыр. Олардың қатарында: NCOC, Shell, Samsung, Эйр Астана, CISCO, Saint-Gobain, «Қазкоммерцбанк» АҚ, «Самрұқ Энерго» АҚ, «Қазпочта» АҚ және т.б. бар. Осы бағытта жұмыстар жалғасуда.
