2015 жылға таман ОҚО-да 4 фотоэлектростанция салынады

«Оңтүстік Қазақстан облысында  жалпы қуаттылығы 44,4 МВТ шағын электростанциялар құрылысы бойынша 6 жобаны іске асыру жоспарланған, 2015 жылы қуаттылығы 40 МВт жел электростанциясын іске қосу жоспарланған, күн энергетикасы саласында 2015 жылға дейін  191 МВт фотоэлектростанциялар салу бойынша 4 жобаны іске асыру жоспарланған», - деп хабарламада нақтыланған.

Осы бағытта екі бағдарламаны іске асыру жоспарланған: «Биоэнергетикалық қондырғыларды енгізу» бағдарламасы.  Облыстағы ірі қара мал өсіретін шаруашылықтарда (500 бас ІҚМ)  тәулігіне 2 МВт электр энергиясын және 30 тонна биотыңайтқыштар өндіру жоспарланған. 

Биогаз жабдықтарын орнату жобасын 2013 жылы «Шымкент құс» ЖШС-нің құс фабрикасында іске асыру үшін қажетті құжаттар жиналуда. Энерқондырғы тәулігіне 15-18 тонна биогумус, 5,7 мың м3 биогаз немесе 370-570 кВт электроэнергия өндіреді.