• Басты
  • ҚР ҚК-нің байланысшылары далалық жағдайларда жұмыс жасаудың жаңа мүмкіндіктеріне қол жеткізді (ФОТО)
10 Ақпан, 2016 20:42

ҚР ҚК-нің байланысшылары далалық жағдайларда жұмыс жасаудың жаңа мүмкіндіктеріне қол жеткізді (ФОТО)

ҚР Қарулы Күштерінің әскери байланысшылары далалық жағдайларда жұмыс жасаудың жаңа мүмкіндіктеріне ие болды, деп хабарлады Қорғаныс министрлігі.
ҚР ҚК-нің байланысшылары далалық жағдайларда жұмыс жасаудың жаңа мүмкіндіктеріне қол жеткізді (ФОТО)

Енді 55765 әскери бөлімі далалық байланыс торабының мамандары полковник Мейрам Хамзиннің басшылық етуімен жауынгерлікке барынша жақындатылған жағдайларда жұмыс жасауда. Бұл бөлімше әскерлердің күнделікті тыныс-тіршілігінде үздіксіз байланысты қамтамасыз етеді.

Сонымен бірге 55765 әскери бөлімі далалық байланыс торабының мамандары ағымдағы жылы қазақстандық армияның бірқатар ауқымды оқу-жаттығуларына тартылады. Әскери байланысшылардың жұмысынан, әскери байланыстың әзірлік жай-күйі мен үйлесімділігінен, командирлердің жоғары кәсібилігінен, құрамалар мен бөлімдердің далалық дағдысынан, жеке құрамның тапсырмаларды орындауға әзірлігінен жалпы ҚР ҚК қойған тапсырмалардың жедел түрде шешілуі байланысты екенін айта кеткен жөн.

 Қазіргі уақытта 55765 әскери бөлімі байланыс торабының телефонистері қазіргі заманғы сандық коммутаторда жұмыс жасайды.  Әскери байланысшылар алыс және ішкі байланыс арналары бойынша байланысты қамтамасыз етеді, бағынысты станциялардың іс-әрекетін үйлестіретін ТМД елдерінің арналарымен спутник арқылы өзара іс-қимыл жасайды, қажетті арналар бойынша қамтамасыз етуде жәрдем береді, іс-қимылды бақылайды және байланыстың қауіпсіздігін қадағалап отырады.  Байланыс мамандарының жұмыс күні аптасына жеті күн 24 сағатты құрайды. Байланыс мамандарының міндетіне ҚР Қорғаныс министрлігінің анықтама қызметіндегі жұмыс кіреді. Мүнда бір түнде телефонистер 600-700 дейінгі қоңырауды жалғайды. 
 

Барлық жаңалықтар