Т.Охлопкова: Сайлаудағы бақылаушылардың рөлі – қоғамдық сенімге ие болу

«Сайлауда қоғамдық сенімге ие болуда бақылаушылардың рөлі ерекше. Қазақстан үшін бақылаушылардың қызметі әлемдік қауымдастыққа түсінікті әрі ашық болу өте маңызды. Сол үшін біз президенттік, парламенттік сайлауларға және республикалық референдумдарға халықаралық бақылаушылар мен шетелдік БАҚ өкілдерін шақырамыз»,-деді Т.Охлопкова.

ҚР ОСК мүшесінің ақпаратынша, 1995 жылдан бері ҚР-ы 8830 халықаралық бақылаушылар мен шетелдік БАҚ өкілдерінің қызмет етуіне толық жағдай жасаған.

«2015 жылдың 26 сәуірінде өткен президенттік сайлауда 1 024 халықаралық бақылаушы мен шетел БАҚ өкілдері аккредиттелген. Ал, сайлау күні 31 мыңнан астам қазақстандық және халықаралық бақылаушылар, шетел БАҚ өкілдері және кандидаттардың сенімді өкілдері бақылау жасады»,-деп атап өтті Т.Охлопкова.

Еске сала кетейік, ҚР Парламент Мәжілісі мен мәслихаттары депуттарын сайлау биылғы жылдың 20 наурызына белгіленгеннен кейін, ОСК төрағасы Қуандық Тұрғанқұловтың атынан 18 мемлекеттің орталық сайлау органдарының бірінші басшыларына шақырту жіберілді. Олардың қатарында ТМД, сондай-ақ, Грузия, Латвия, Литва, Эстония, Индия, Корея, Малайзия мен Моңғолия бар. Сонымен қатар, ҚР Сыртқы істер министрлігінің шақыртуы жіберілген 112 мемлекеттің аясында 11 халықаралық ұйым бар.

Ботагөз Айтжанова