Қалалық әкімдік Астана тұрғындары үшін ашық есік күнін өткізеді (ФОТО)

Кездесу барысында тұрғындар өз сұрақтарын қойып, қалада тұру сапасы мен жайлылығын арттыру мақсатында инфрақұрылым жұмысын жақсарту бойынша ұсыныстарын жеткізе алады.

Алдағы уақытта қала тұрғындарымен және басқа да мүдделі тұрғындармен тығыз қарым-қатынаста болу үшін осындай кездесулер тұрақты түрде өткізілетін болады.

Басқармалардың басшылары өткен жылы атқарылған жұмыстардың қорытындысын шығарып, биылғы жылға арналған жоспарлармен бөліседі. Қала тұрғындары өз сұрақтарын ауызша және жазбаша түрде жолдай алады.

«Біз елорда тұрғындарымен жеке кездесіп, елорда әкімдігінің ресми сайтындағы (www.astana.gov.kz) «Халықтық бақылау» және «Виртуалды қабылдау бөлмесі» айдарлары арқылы келіп түсетін сұрақтарға жауап береміз», – деп атап өтті Астана қаласы Ішкі саясат басқармасының басшысы Е. Каналимов.

«Біз бұл жерде тұрғындардың барлық сұрақтары мен ұсыныстарына жауап беру үшін жиналдық. Бұл кездесу қала әкімі Ә.Жақсыбековтың есеп беру шарасының алдында өткізілуде. Біз орындарда қаладағы қоғамдық жағдай мен барлық проблемаларды шешуіміз қажет», - деді  Астана қаласының құрылыс басқармасы жетекшісінің орынбасары Ержас Айтуғанов.