Тәжікстан Астанадағы азық-түлік қауіпсіздігі бойынша Ислам ұйымының бас ассамблеясына шақырылды
10 Ақпан, 2016 19:34
Душенбеде ҚР ауыл шаруашылығы министрінің орынбасары Ермек Көшербаев Тәжікстан республикасының ауыл шаруашылығы министрі Махамадтор Закирзодамен кездесу өткізді, деп хабарлайды ҚР СІМ.
Кездесуде М.Закирзода Тәжікстан азық түлік қауіпсіздігі бойынша Ислам ұйымының құрылуын жоғары бағалайтынын және ресми түрде қолдау көрсететінін атап өтті.
«Ол сондай-ақ, ұйымға кіру мәселесі елдің министрліктері мен ведомстволарында белсенді түрде талқыланатын мәлім етті»,-делінген хабарламада.
М.Закирзода Тәжікстан келер жылы 28 ақпанға жоспарланған VII министрлер конференциясында азық түлік қауіпсіздігі бойынша Ислам ұйымының құрылтайшылық бас ассамблеясына жоғары деңгейде ұсынылатынын хабарлады.
