Алматыда 1 млн тұрғын дауыс беру құқығына ие

«Сайлаушылар тізімі бойынша жұмыс тұрақты түрде жүргізілуде. Дауыс берушілердің саны 1 млн 308 мың адамды құрайды және бұл сан әлі де өзгереді. Өткен жылғымен салыстырғанда бұл үлкен көрсеткіш, көші-қон үздіксіз процесс болып табылады»,-деді Ж.Асанова.

Сонымен қатар, сайлау комиссияларына арналған оқыту семинарларының көп бөлігі өткендігін айтып өтті.

«Біз жоғары сапада және толық өткізуге тырыстық. Комиссия заңнамалармен, құқықтық нормалармен  қамтылған. Барлық сайлау комиссиялары білікті. Сайлау комиссиясының көптеген мүшелері тәжірибелі мамандар»,-деді Ж.Асанова.

Оның айтуы бойынша, ү.ж. 20 наурызына орай, яғни сайлауға 10-20 күн қалғанда комиссия тұрғындарды сайлауға шақыру жұмыстарын бастайды.

«Науқан шақырулар таратып, БАҚ-та хабарландыру жасайды. Қазіргі күні қала бойынша ақпараттық билбордтар ілінген»,-деді ол.

Естерінізге сала кетейік, ү.ж. 20 наурызында Парламент Мәжілісі мен барлық деңгейлі мәслихаттың сайлауы өткізіледі.

Ботагөз Айтжанова