Н.Әбуов: Сәтті жүзеге асатын нақты шаралар – барлығымызға ортақ міндет

«Ел Президенті 2015 жылдың 30 қарашасында нақты мүмкіндіктерді жүзеге асырудың стратегиясын айқындайтын «Қазақстан жаңа жаһандық нақты ахуалда: өсім, реформалар, даму» атты жыл сайынғы халыққа Жолдауын жариялаған болатын. Ұлт көшбасшысының Жолдауы – бұл бүгінгі ахуалға ғана жауап беретін емес, сонымен қатар, стратегиялық, келешегі кемел, нақты құжат. Жолдауда әлеуметтік дамудың экономикалық реформасын іске асыратын «Жол картасы» жобаларына баса наза аударылған», деп атап өтті қазақстандық ғалым.

Оның айтуынша, Мемлекет басшысы Жолдауының маңызды бөлігі әлеуметтік салаларға арналған. Доцент Н.Абуов бәрінен бұрын Ұлт көшбасшысының тегін кәсіби-техникалық білім беру идеясын ерекше қуаттайды. 

«Жолдаудағы басты идея экономикалық дамудың ең негізгі қажеттіліктерін қамтиды. Онда инфроқұрылымдық жобалар болжанып, «Нұрлы жол» бағдарламасы, жаңа жұмыс орындарын құру сияқты маңызды мәселелер белгіленген. Мемлекет басшысы әсіресе жаңа әлеуметтік саясатты құру мәселесіне ерекше назар аударды. Үкіметтің алдына жаңа әлеуметтік саясатты құру тапсырмасы жүктелді. Бұл бағыттардың бірі ретінде «Барлығына бірдей тегін кәсіби-техникалық білім беру» жаңа жобасын іске асыру жүктелді. Бұнда жастардың тегін кәсіби білім алуларына мол мүмкіндіктер қарастырылған. Яғни, Жалпықоғамдық Еңбек Қоғамын дамыту мәселесі тапсырылды. Ғылыми интеллигенция Ұлт көшбасшысының бастауымен қаржы дағдарысынан да дағдармай өтіп, қандай қиын сынақ болса да, келешектің даму реформаларын жүзеге асыра алатынына сенімді. Сәтті жүзеге асатын нақты шаралар – барлығымызға ортақ міндет», - деді Н.Әбуов.

Данияр Қасымов