ҚР ОСК депутаттыққа үміткерлерді тіркеу барысында сайлау заңын бұзу байқалмады

«Бүгiн Орталық сайлау комиссиясы 20 күндiк жұмысын қорытындылап отыр. Партиялық тiзiмдер бойынша сайланатын ҚР парламентi Мәжiлiсiнiң депутаттарын сайлауды әзiрлеу мен өткiзу жөнiндегi негiзгi iс-шаралардың күнтiзбелiк жоспарына сәйкес, 2016 жылғы 8 ақпанда кандидаттарды ұсыну аяқталды», - дейдi Қ.Тұрғанқұлов.

ОСК төрағасының айтуынша, кандидаттарды ұсыну бойынша барлық iс-шаралар Конституцияға және сайлау заңнамасына толық сәйкестiкте өттi.

Жалпы ОСК-да 6 партиялық тізім бекітілді: «Нұр Отан» партиясы, «Ақ жол» демократиялық партия, «Ауыл» коммунистік халықтық партиясы, Қазақстанның халықтық коммунистік партиясы,  «Бірлік» саяси партиясы мен Жалпыұлттық әлеуметтік-демократиялық партиясы.

«Қазіргі таңда сайлау кампаниясының екінші кампаниясы өтуде – бұл тіркеу кезеңі, ол 19 ақпанға дейін жалғасады. Қазіргі таңда  «Нұр Отан», «Ақ жол», «Ауыл», ҚХКП партиялық тізімдері тіркелді. Олар 203 кандидаттан құралған, 10 ұлт өкілін қамтиды. Тіркелгендердің  79,9 % - ерлер,  20,1 – әйелдер», - деді ол.

Ботагөз Айтжанова