Сенатор Л.Тұрлашов Алматыда халықаралық семинарда сөз сөйледі

9 Ақпан, 2016 14:52

Парламенті Сенатының депутаты, Қаржы және бюджет комитетінің мүшесі Лаззат Тұрлашов «ТМД-ның «Жария-жекеменшік әріптестік туралы» үлгі заңдары және Орталық Азия мемлекеттеріндегі жария-жекеменшік әріптестік туралы заңнамасының дамуы» тақырыбы бойынша халықаралық семинарда сөз сөйледі, деп хабарлады Сенат.

ТМД Парламентаралық Ассамблеясының Еуропа Қайта Құру және Даму Банкі мен Еуразия даму банкімен бірлесе отырып ұйымдастырылған шара Алматыда болды. Сенатор өз сөзінде Қазақстанда 2015 жылы қазанда қабылданған «Мемлекеттік-жекеменшік әріптестік туралы» заң Мемлекет басшысы Н.Ә.Назарбаев айтқан бес институттық реформаны іске асыру мақсатында әзірленгені туралы хабардар етті.

«ТМД ПАА-ның «Жария-жекеменшік әріптестік туралы» үлгі заңдағы секілді Қазақстан Республикасындағы мемлекеттік-жекеменшік әріптестік туралы заңның мақсаты – еліміздің әлеуметтік-экономикалық тұрақты дамуын қамтамасыз ету және қоғамдық маңызды міндеттерді іске асыру үшін олардың ресурстарын біріктіру арқылы мемлекеттің кәсіпкерлік субъектілерімен ұзақ мерзімді тиімді іс-қимылы үшін жағдай жасау болып табылады», - деді Л.Тұрлашов.

Сенатор ТМД Парламентаралық Ассамблеясы әзірлеген үлгі заңдарды әзірлеу тәжірибесі жалғаса беретінін және әлеуметтік-экономикалық дамудың құқықтық мәселелерін реттейтін ұлттық Парламенттер қабылдайтын заңдар үшін негіз болатынына сенім білдірді.

Барлық жаңалықтар