«Нұрлы жол»: 2016 жылы Құрық паромды кешенінің қосалқы инфроқұрылымын қамтамасыз ету жоспарлануда

9 Ақпан, 2016 14:39

2016 жылы «Нұрлы жол» бағдарламасының аясында Құрық паромды кешенінің қосалқы инфроқұрылымын қамтамасыз ету жоспарлануда. Бұл туралы Орталық коммуникациялар қызметінде өткен баспасөз конференциясында ҚР Инвестиция және даму министрлігі көлік комитетінің төрағасы Дмитрий Потлов айтты.

«Мемлекеттік бағдарлама бойынша үш жоба жүзеге асуда. Бірінші жоба – еліміздің батыс аймағындағы паромды кешен – Құрық порты. Бүгінгі таңда Каспи жағалауындағы мемлекеттерге темір жол вагондарының жүктерін жеткізу тек Ақтау порты арқылы жүзеге асады. Соңғы кездері Ақтау порты өте жоғары режімде жұмыс істеп жатыр. Сол себепті, «Нұрлы жол» бағдарламасының аясында Каспи төңірегінен қосымша паромдық нысанда құрылымдау туралы шешім қабылданды», деп атап өтті Д. Потлов.

Бұл жобаны жүзеге асырудағы негізгі мақсат - Қытай және Шығыс Азиямен және Парсы шығанағына, одан әрі Еуропаға Қазақстанның халықаралық көліктік байланысын нығайту.

«Аталмыш нысан құрылысын жүргізсек, жүк тасымалының транзиттік қызметі арқылы біз кіріс көлемін ұлғайтамыз. Бұл аймақ бюджетінің еселенуіне септігін тигізеді. Бүгінгі таңда нысанның қосалқы инфроқұрылымын дамытуға байланысты біқатар жұмыстары белгіленді», деді ол.

Д. Потловтың айтуынша, әзірге 500-ден астам жұмыс орыны ашылды. Жоба толық қуатында іске қосылған кезде тағы 100 жаңа жұмыс орыны ашылатын болады.