Павлодар облысында ТКШ-ні жаңғырту аясында 2,7 млрд теңгенің 6 жобасы жүзеге асырылды
9 Ақпан, 2016 13:51
Павлодар облысында ТКШ-ні жаңғырту аясында 2,7 млрд теңгенің 6 жобасы жүзеге асырылды, деді Павлодар облысының әкімі Қанат Бозымбаев ОКҚ-да.
«ТКШ жаңғырту аясында 2,7 млрд теңгенің 6 жобасы жүзеге асырылды. 328 шақырым жүйені қайта жөндеу жұмыстары аяқталды, 6 көппәтерлі үйге жөндеу жұмыстары жүргізілді. Қорытындысында, ескірген желілерді жаңарту жұмысы толық орындалды», - деді Қ.Бозымбаев.
Аймақ басшысы айтып өткендей, жөндеуді қажет ететін үйлердің үлесі 37-ден 33 пайызға төмендеді.
«Өңір үшін маңызды мәселе ауылдықтарды сапалы ауыз сумен қамту болып отыр. Біз 2020 жылға дейінгі өңірлік жобаны мақұлдадық, оған дейін 230 сумен қамту құрылғысын салу жоспарлануда. Өткен жылы орталықтандырылған сумен 9 мың адам қамтылды, 102,7 су құбырының желісі салынды», - деді ол.
Индира Кауметова
