Павлодар облысында голландтық раушан гүл өсіретін жылыжай ашылады

9 Ақпан, 2016 12:29

Павлодар облысындағы жылыжайда жылына 7 млн дана голландтық раушан гүлi өсiрiледi. Бұл жөнiнде ҚР Президентi жанындағы Орталық коммуникациялар қызметiнде өткен баспасөз мәслихатында Павлодар облысының әкiмi Қанат Бозымбаев мәлiмдедi.

«Жаңа өндiрiстер жыл қорытындысы бойынша шамамен 40 млрд теңгеге өнiм шығарылуын қамтамасыз еттi. Бүгiнгi күнi индустрияландыру картасының 20-дан астам жобасы iске асыру кезеңiнде тұр және олардың инвестициясы 800 млрд теңгенi құрайды. Осы жылдың өзiнде-ақ жалпы сомасы 25 млрд теңгенi құрайтын және 600 жұмыс орнын ашуға мүмкіндік беретін 11 жобаны iске қосу жоспарланып отыр», - дедi облыс әкiмi.

Қ.Бозымбаев Мемлекет басшысының iрi кәсiпорындардың айналасында қосымша өндiрiстер құру жөнiндегi тапсырмасы Павлодар облысында да iске асырылып жатқанын айтты.

«Бiрнеше күннен кейiн голландтық раушан гүлдерiн өсiретiн жылыжай ресми түрде ашылады. Бес гектарды құрайтын аумақта жылына 7 млн дана гүл өсiрiлетiн болады. Бұл жылыжай Екiбастұз ГРЭС-1 жанында орналасқан. Бұған дейiн атмосфераға шығындалып келген жылы энергия ендi кәдеге жаратылатын болады. Шамамен бiр аптадан кейiн алғашқы гүлдер кесіле бастайды », - деген өңiр басшысы журналистердi жылыжайдың ашылуына шақырды.

Барлық жаңалықтар