ШҚО-да ЭКСПО-2017 көрмесіне «Шабыт аумағы» жобасын қарастыруды ұсынды

«ШҚО-ның  ауылдық және экологиялық туризмі: мүмкіндіктер мен даму перспективалары» атты конференцияда осы және өзге де жобалар талқыланғанын айт кету керек. 

«Қазақстанның алдында ЭКСПО-2017 көрмесін абыроймен өткізу үшін үлкен дайындық тұр. Бізге келетін қонақтарды қызықтыратын туристік ауыл шаруашылық өнімдерін жасау керек. «Алтын Алтай – аймақтың даму байлығы» жобасы туризмді дамытудың тиімді құралы екенін көрсетеді. Бұның аясында қысқа уақытта шығармашылық адамдарын тартып, «Шабыт аумағы» жобасын құруымыз керек»,- дейді жоба үйлестірушісі Светлана Белова.

Оның айтуынша, «Шабыт аумағы» жобасы «Берел» қорық мұражайында Қазақстан, Ресей, Қырғызстан, Беларусь, Словакия суретшілері мен мүсіншілерінің басын қосқан  «Көшпенділер» лэнд-арт жобасына ұқсас болады.

Қазіргі уақытта әр аймаққа туристік бағдарларады айқындау жұмысы жасалып жатыр. «Алтын Алтай – аймақтың даму байлығы» жобасы басшыларының бұл бағдарлардың бірі қазақстандық Алтай болатынына көздері жетіп отыр. Жоба ұжымы ШҚО әкімдігімен және басқа да серіктестермен бірлесіп «Алтын Алтай» атауымен гранд-тур жобасын жетілдіруге дайын.