А.Сақыпкереев: СҚО-дан мәслихатқа 400 үміткер ұсынылды

9 Ақпан, 2016 11:18

Облыста мәслихат депутаттығына үміткерлерді ұсыну жалғасуда. 9 ақпандағы жағдай бойынша 412 адам ұсынылып, аудандық мәслихатқа «Ақ жол» партиясынан 1 үміткер тіркелді, деп атап өтті СҚО сайлау комиссиясының төрағасы Асқар Сақыпкереев Strategy2050.kz ақпарат агенттігіне берген сұхбатында.

«Облыста ҚР Орталық сайлау комиссиясының бекіткен күн тәртібі жоспары бойынша кезектен тыс Мәжіліс пен барлық деңгейдегі мәслихат депуттарын сайлау науқанына дайындық қалыпты жағдай жүріп жатыр. Аумақтық, округтік және учаскелік комиссия мүшелеріне оқыту семинарлары өткізілді»,-деді А.Сақыпкереев.

Облыстық комиссия төрағасының айтуынша, аймақта учаскелік комиссиялармен дайындық жұмыстары жүріп жатыр. Материалдық-техникалық қажеттіліктер сатылып алынуда.

«Бір айдың ішінде ең негізгі керек құрал-жабдықтармен толық қамтамасыз етілеміз деп ойлаймын», дейді А.Сақыпкереев.

«Сайлау тізімі бойынша жергілікті атқарушы орган жұмыс істеп жатыр. Олар 28 ақпанға дейін учаскелік комиссияға тізімдерді тапсырулары керек. Бұдан кейін жергілікті учаскелік комиссия сайлаушыларға олар жайлы хабарлама беретін болады»,-деп атап өтті комиссия төрағасы.

Барлық жаңалықтар