Е.Ыдырысов: ЭКСПО-2017-ге ЭСКАТО-ның қатысуы жаһандық ахуалдың өзгеру проблемасын шешуге елеулі үлес қосады

9 Ақпан, 2016 10:03

Қазақстанның Сыртқы істер министрі Ерлан Ыдырысов БҰҰ бас хатшысы-ЭСКАТО хатшысының міндетін атқарушы Шамшад Ахтовпен өткен кездесуде Қазақстан мен ЭСКАТО арасындағы ынтымақтастықты жандандыру мәселесін айтып өтті, деп ведомство хабарлады.

Осылайша, шағын аралдық дамушы елдердің тұрақты дамуы үшін өңірлік күш-жігерді нығайту мақсатында Қазақстан 2014 жылы ЭСКАТО-ның жәрдемімен биогаз арқылы жаңартылатын энергия көздерін дамыту үшін Тынық мұхиты аймағының 12 еліне қолдау көрсетті. Сонымен қатар, өткен жылы Қазақстанның энергетика министрлігі мен ЭСКАТО арасында «Жасыл көпір» бағдарламасы аясында тұрақты даму басымдықтарын іске асыру бойынша меморандумға қол қойылды.

Екі жақ Қазақстан Президенті Нұрсұлтан Назарбаевтың «ЭКСПО-2017» инфрақұрылым базасында Астанада «Жасыл технология мен инвестицияланған жоба» бойынша БҰҰ-ның халықаралық орталығын құру туралы бастамасын талқылады.

«Менің ойымша, ЭКСПО-2017-ге ЭСКАТО-ның қатысуы жаһандық ахуалдың өзгеру проблемасын шешуге елеулі үлес қосады. Бұл тұрақтанудың басты негізі болып келеді, сондай-ақ кедейлікті артқа қалдырып еліміздің барлық аймақтарында әлеуметтік-экономикалық жағдайды жандандырады»,-деді Е.Ыдырысов.

Айта кетейік, Ш.Ахтар Қазақстанды 2016 жылы 15-16 мамырда Банконгта болатын ЭСКАТО-ның 72-ші сессиясында дайындық бойынша іс-сапармен келді.