Тегерандағы бизнес-форум қорытындысы бойынша Қазақстан мен Иран компаниялары он шақты келісім бекітеді

Аталмыш шараға 200-ден астам қазақстандық компания қатысқандығы айтылды. Алғашында Иран тарапынан ТОП-150 ирандық компаниялар қатысатыны күтілген болатын, бірақ, Иран тарапынан қатысатын компаниялар саны 700-ге дейін артты.

«Қазақстандық-ирандық бизнес-форум мен Іскерлік кеңесінің нәтижесінде өзара сауда және инвестициялық ынтымақтастық бағытында оншақты келісімге қол жеткізбекпіз», деп хабарлады «Бәйтерек» ҰБХ-нің төрағасы Қуандық Бишімбаев.

Қол жеткізілген келісімдердің ішінде Иранға қазақстандық ет өнімдері, металл бұйымдары экспорты және құрылыс материалдары бар.

Оның айтуынша, қазіргі уақытта Иранға қазақстандық локомотивтерді экспорттау туралы келіссіөздер жүргізілуде. Холдинг аталмыш келісім бойынша экспорттық қаржыландыруға қатысатын болады.

Бұдан өзге, Холдинг басшылығы Қазақстан аумағында кальцилендірілген ұнтақ өндіретін зауыт құрылысын салу үшін ирандық   Kaveh Float Glass компаниясымен келіссөз жүргізген. Бұл бірлескен жобаны жүзеге асыру үшін келісімды нығайту жұмыстары жүргізілетін болады.