Е.Аймағамбетов: Қарағанды облысында Мәжіліс пен мәслихат сайлауына дайындық белсенді жүргізілуде

«Облыстық сайлау комиссияларында Парламент Мәжілісі мен барлық  деңгейлі Мәслихат сайлауына дайындық жұмыстары белсенді жүргізілуде. Облыста мыңнан астам сайлау комиссиялары ұйымдастырылған, олардың құрамына 7 мыңнан астам адам енеді. Бүгінгі күні сайлау комиссиясы толығымен жинақталды. Олар үшін оқыту семинарлары жүргізілді»,-деді Е.Аймағамбетов.

Сондай-ақ, жұмыс комиссиясынан  шығып қалғандардың орнын алмастыру жұмыстары жүргізілді.

«Қалада сайлаушылар санының  өзгеруіне орай, аудандарда сайлау учаскесінің шекаралары мен сайлау округтерінің шекараларын  анықтау жұмыстары аяқталды. Тұрғындарды хабарландырдық»,-деді  төраға.

Комиссия төрағасының айтуынша, облыста қала және облыс әкімімен, сондай-ақ өңірлік құрылымдар мүшелерінің басшыларымен сайлау науқаны кезіндегі материалдық-техникалық мәселелерді талқылау мақсатында жиналыс өткізілді. 

«Барлық сайлау учаскелері негізгі  қуат көздерімен, телефон желілерімен және керекті құралдармен жабдықталатын болады. Облыста сайлаушылардың тізімін жаңарту жұмыстары жалғасуда, әкімдіктермен электронды базаға түзету жұмыстары жүргізілуде»,-деді Е.Аймағамбетов.

Ботагөз Айтжанова