Қазақстан Тәжікстан мен Қырғызстанға гуманитарлық көмек көрсетіді
8 Ақпан, 2016 12:38
ҚР Премьер-Министрінің бірінші орынбасары Бақытжан Сағынтаев Халықаралық гуманитарлық көмек бойынша комиссия отырысын өткізді, деп хабарлады primeminister.kz.
Тәжікстанда болған селдің салдарынан жапа шеккен жағдайды ескере отырып Комиссия Қазақстан Үкіметіне аталмыш елге ресми гуманитарлық көмек көрсетуге кеңес берді.
«Тәжікстанның жапа шеккен аудандарына ет пен сүт консервілері, өсімдік майлары, ұн және макарон өнімдері жеткізілетін болады», - делінген хабарламада.
Сондай-ақ, Комиссия 2015 жылы жойқын Жер сілкінісі болған Қырғызстанға да көмек көрсетуді ұсынды. Бұл елге төсек-орын бұйымдары мен ыдыс-аяқ, пеш, қысқы шатыр жеткізу қарастырылған.
