• Басты
  • Д.Мәсімханұлы: Ұлт жоспарын жүзеге асырсақ, дамыған 30 елдің қатарына енеміз
8 Ақпан, 2016 12:46

Д.Мәсімханұлы: Ұлт жоспарын жүзеге асырсақ, дамыған 30 елдің қатарына енеміз

Д.Мәсімханұлы: Ұлт жоспарын жүзеге асырсақ, дамыған 30 елдің қатарына енеміз | Strategy2050.kz

Біз дағдарыс жағдайында Елбасы ұсынған бағытпен жүріп, Елбасы жүктеген тапсырма-міндеттерді орындаумен ғана өзіміз мақсат еткен биікке қол жеткізіп, қауіпсіздікті қамтамасыз ете аламыз, дейді Strategy2050 ақпарат агенттігіне берген сұхбатында белгілі шығыстанушы Дүкен Мәсімханұлы.

«Дағдарыс жағдайында біз Елбасы ұсынған бағытпен жүріп, Елбасы жүктеген тапсырма-міндеттерді орындаумен ғана өзіміз мақсат еткен биікке қол жеткізіп, қауіпсіздікті қамтамасыз ете аламыз. Дәл қазіргі экономикалық тығырық, дәлірек айтқанда қаржылық дағдарыс, бұл тек біздің елдегі ғана жағдай емес, әлемді тұтас шарпып отырған қиындық екені түсінікті. Соның өзінде, біздің Елбасымыз Н.Ә.Назарбаевтың салихалы да сарабдал саясатының арқасында қатты "дағдармай-ақ" қиындықтарды еңсеріп келе жатырмыз. Осы орайда әсіресе Елбасымыздың тұтас ел халқы мен атқарушы биліктің алдына қойып отырған Ұлт жоспары "100 нақты қадам", "Бес институционалдық реформа", "Нұрлы жол", "Қазақстан-2050" қатарлы стратегиялық жалпыұлттың дамуы мен гүлденуіне арналған іргелі бағдарламарының жөні тіптен бөлек. Бұның өзі түптеп келгенде біздің еліміздің дағдарыс жағдайында емес, керісінше даму мен гүлденудің жолында екендігімізді көрсетіп береді. Бұл туралы Президент Н.Ә.Назарбаев өзінің "Нұр Отан" партиясының кезектен тыс XVII съезінде сөйлеген сөзінде партия мүшелері мен жалпы халыққа жан-жақты түсіндіріп берді. Елбасы осы съезде жасаған баяндамасының бір тұсында "егер қаласақ, бір АҚШ долларын бір теңге деңгейінде ұстап тұруымызға да болар еді, алайда айналамызда болып жатқан экономикалық тығырық жағдайында одан тек біз ғана ұтыламыз" деген мазмұндағы пікірінің көптің көңілінен шыққаны ақиқат»,-деп атап өтті Д.Мәсімханұлы.

Сондай-ақ, шығыстанушы ғалым «біздің еліміздің экономикасы дәл қазір отқа оранып, суға сүрініп отырған жоқ. Ұлттық қорымыздың қоржыны тоқ. Алайда жағдайымыз жаман емес екен деп, қалтамызды елге қақтыруға бола ма?! Себебі біз жеке дара өмір сүріп отырған немесе жабық мемлекет емеспіз, керісінше ашық қоғамы бар, демократиялық мемлекетпіз»,-деп атап өтті өз сөзінде.

«Маңайымыздағы елдің бәрі бағаны бір-біріне қарап белгілеп отыр. Сондықтан бұл жағдайға қазіргі кезеңде түсіністікпен қарау парыз. Президентіміздің Ұлт Жоспарын жүзеге асыра отырып, дамыған 30 елдің қатарына қосылуды көздеудеміз. Ұлт Жоспарының әр қадамы кемел келешекке жетелеп, мемлекетке деген халықтың сенімін арттырды. Мұның өзі қарапайым халыққа шынайы қолдау болды. Көшбасшымыз дағдарыс кезеңінде дағдармай, нақты бағыттар бойынша жұмысты жалғастырудың жолын көрсетіп берді. Міне, енді дағдарыс тұманы сейіліп, халық көңілі серпілгендей болып отыр»,-.дейді Дүкен Мәсімханұлы.

Қанат Тұраров 

Сурет жеке мұрағаттан алынды 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды