ШҚО-да 260 адам Тәуелсіздіктің 25 жылдығына арналған шаңғы марафонына қатысты

8 Ақпан, 2016 19:03

Риддер қаласында Қазақстан Республикасы Тәуелсіздігінің 25 жылдығына орай шаңғы спортынан марафон өтті. «Нұр Отан» партиясының қолдауымен өтіп отырған аталмыш шараға 260 спортшы қатысты, деп хабарлады ШҚО ақпараттық орталығы.

Сайысқа республикалық және облыстық спорт мектептерден 6 және одан жоғары жас деңгейлері бойынша оқушылар сынға түсті. Сонымен қатар, қатысушылардың ата-аналары және қала тұрғындары да белсенділік танытып, шаңғы спортынан бақтарын сынады.

«Елбасы Нұрсұлтан Назарбаев Қазақстан халқына Жолдауында денсаулық – еліміздің стратегиялық мақсаттарына қол жеткізуде басымдылық жасалған бағыттардың бірі екендігін атып өтті. 2020 жылға дейін қазақстандықтардың 30%-ы бұқаралық спортқа тартылуы қажет. Осы мақсатта тұрғындарды салауатты өмір салтын сақтауға шақырып, түрлі марафондар мен спорттық шаралардың ұйымдастырылуы зор үлесін тигізбек», – деді «Нұр Отан» партиясы Риддер қалалық филиалыны төрағасы орынбасары Надежда Климова.

Марафонда жеңіске жеткен спортшылар республикалық сайыстарға жолдама алды.

Айта кету керек, ШҚО-да қысқы спорт мектептері жақсы дамыған. Әлем Чемпионатының қола жүлдегері Алексей Полторанин, Бірінші жасөспірімдер арасындағы Олимпиада ойындарының қола жүлдегері Сергей Малышев сынды спортшылар Риддер қаласында тәрбиеленіп, қазіргі таңда басқа да әлемдік сайыстарда ел намысын қорғауда. Сондықтан марафонның Риддер ақалсында өтуі заңды.

Барлық жаңалықтар