Жамбыл облысында жылу энергетикасын дамыту бойынша 14 жоба іске асырылды - әкімдік

2015 жылдың жоспарына сәйкес республикалық және жергілікті бюджеттерден басқармаға - 11234,38 млн.теңге қарастырылған. Игерілгені  11 224,2 млн. теңге, яғни 99,9% құрайды.

Оның ішінде: жылу энергетикасы бағдарламасы бойынша 2073,4 млн. теңгеге 14 жоба іске асырылған, оның ішінде республикалық бюджеттен 1693,0 млн. теңгеге 10 жоба ал облыстық бюджеттен 380,4 млн. теңгеге. Бүгінгі күнге қаржының игерілгені 2073,4 млн. теңге немесе 100%. Нысандар пайдалануға берілді.                      

Моноқалаларды дамытудың 2012 - 2020 жылдарға арналған бағдарламасы бойынша Жаңатас қаласында 472,3 млн. теңгеге жылу жүйесін қайта жаңғырту жұмыстары аяқталды. Игерілгені 100%. Сонымен қатар, «Нұрлы жол» бағдарламасы шеңберінде 3  жоба жүзеге асырылып, нысандар пайдалануға берілді.

 «Облыстық бюджеттерге, Астана және Алматы қалаларының бюджеттерiне жылу, сумен жабдықтау және су бұру жүйелерін реконструкция және құрылыс үшін кредит беру» бюджеттік бағдарламасы бойынша 1 095,0 млн. теңге бөлінген. Орындалғаны 1 067,6 млн. теңге немесе 97,5%.

«Бизнестің жол картасы - 2020» бағдарламасы бойынша барлығы 661,2 млн.теңгеге 10 жобаны іске асыру қарастырылған, оның ішінде республикалық бюджеттен (Ұлттық қордан) - 595,1 млн.теңге, облыстық бюджеттен 66,1 млн.теңге.

«Өңірлерді дамытудың 2020 жылға дейінгі» бағдарламасының тұрғын үй қорын жаңғырту бөлігінде 33 көппәтерлі тұрғын үйлерді күрделі жөндеуге республикалық бюджеттен 746,7 млн.теңге бөлінді.