Қостанай облысында жетім балалар мен әке-шешесінің қамқорынсыз қалған балаларға пәтер кілттері табысталды

«Жаңа қоныстанғандарды құттықтай келе, Нұралы Мұстафаұлы, мемлекетіміздің негізгі міндеттерінің бірі - өз азаматтарына қамқор болу, осы аталған  миссияға тек мемлекеттік органдар ғана емес, - шаруашылық субъектілері, бизнес-құрылым өкілдері де белсенді қатысатындықтарын атап өтті. Олар жаңа қоныстанғандарға теледидарлар, кір жуғыш машиналар, тоңазытқыштар, қысқа толқынды пештер және басқа да тұрмыстық техникаларды сыйға тартты», - деп хабарламада нақтыланған.  

40 пәтерлі үйді қайта құруға 150 млн. теңге бөлінді. Осы заманғы құрылыс материалдары мен технологияларын пайдалану арқасында аз уақыттың ішінде бос тұрған ғимарат қалпына келтірілді.

Кең де жарық пәтерлер жылу, су және электроэнергияны есептеуіш құралдарымен жабдықталған, әрі  климат-бақылау құралдары қойылған.Жалпы облыс бойынша 2006 – 2013 жылдар аралығында мемлекеттік тұрғынүй қорынан аталған санаттағы азаматтардың 242-сі, оның ішінде осы жылдың өткен кезеңінде 131 адам тұрғынүйге ие болды.