Д.Назарбаева: ҰБТ талантты жастарға ЖОО-ға түсуге кедергі келтірмеуі керек
5 Ақпан, 2016 17:34
ҰБТ талантты жастарға ЖОО түсуіне кедергі келтірмеуі керек, деді Премьер-Министрдің орынбасары Дариға Назарбаева Білім және ғылым министрлігінің алқа отырысында.
«ҰБТ бойынша сұрақтар өте көп. ҰБТ идеясының өзі жақсы құрастырылған. Бұл салада жемқорлық азайды. Министрлік пен үкімет мектептердегі білім сапасы бойынша нақты ақпарат ала бастады. ҰБТ білім көрсеткішінің 100 пайыздық дәлелеі бола алмайды. Тағы да бірқатар көрсеткіштер болуы керек», - деді Д.Назарбаева.
Оның айтуынша, ҰБТ - моральдық және психологиялық ахуал.
«Жыл сайын көрсеткіштер жинағын қарастырғанда қобалжимыз. Біз ҰБТ-ны майдан ретінде санауды қаламаймыз. Сондықтан да, ҰБТ талантты жастардың жоо-ға түсуіне кедергі келтірмеуін қамтамасыз етуіміз қажет», - деді Д.Назарбаева.
Индира Кауметова
