2019 жылы Қазақстанда мектепке дейінгі ұйымдардың педкадрларын тәуелсіз сертификаттауға көшу жоспарланған
«Мектепке дейінгі ұйымдарда педагогикалық кадрларды дайындауға мемлекеттік тапсырысты өсіру қарастырылған. Тәуелсіз сертификаттауға 2019 жылы басталады. Мектепке дейінгі мекемелердің түлектерінің дайындығын бағалау әдісі әзірленді. Жыл соңына дейін бағаның әдісі әртараптандырылады», - деді министр.
«Мектепке дейiнгi бiлiм сапасын дамыту үшiн 2015 жылы жаңа стандарт енгiзiлдi. Жаңа бiлiм беру бағдарламалары 30 пилоттық мектептiң базасында iске асырылып жатыр. Бизнеспен әрiптестiктi дамыту арқасында мектепке дейiнгi бiлiм беру мекемелерiнiң желiсi айтарлықтай кеңейдi. Павлодар және Қызылорда облыстарында 3-6 жас аралығындағы балаларды 100% қамтуға қол жеткен. Жеке меншiк балабақшалардың республикадағы үлесi 40%-ды құрады», - деген министр елiмiзде 1-3 жас аралығындағы балаларды мектепке дейiнгi бiлiм беру мекемелерiмен қамтамасыз ету айтарлықтай төмен екенiн атап өттi.
А.Сәрiнжiпов бұл бағыттағы жұмыстарды министрлiк әкiмдiктермен бiрлесiп жүргiзуiн жалғастыра беретiнiн және жоспарға сәйкес 47 мың орынды балабақшалар енгiзiлетiнiн соның iшiнде жеке меншiк балабақшаларда жаңа орындар ашылатынын айтты.
Айта кетейік, бүгін Астанада ҚР Премьер-Министрінің орынбасары Дариға Назарбаеваның қатысуымен ҚР БҒМ-нің коллегиясы өтуде. Кеңейтілген педагогикалық кеңестің басты талқыланған тақырыбы ҚР БҒМ-нің 2015 жылғы жұмыстарының қорытындысы мен ведомствоның алдағы жылға арналған міндеттері, халықаралық дәрежеде отандық білім жүйесінің көрсеткіші, сондай-ақ мектепке дейінгі, орта, техникалық, жоғары білім мен ғылым, балалардың құқығын қорғау мен жастар саясатының мәселелері талқылануда.
Индира Кауметова
