Астана қаласының Алматы аудандық соты 2015 жылы 16 мыңнан астам істі қарады

5 Ақпан, 2016 16:23

Астана қаласының Алматы аудандық сотында 2015 жылы 16 570 азаматтық іс қаралған. Аталмыш көрсеткіш 10 пайызға артып отыр. Бұл азаматтардың сот жүйесіне деген сенімділігінің артқанын көрсетеді, дейді өткен жылдың қорытындысы бойынша ұйымдастырылған брифингте аудандық сот төрағасы Ғалымжан Насридинов.

«Статистикалық сараптаманың нәтижесіне сүйенсек, Астана қаласының Алматы аудандық сотында қаралған азаматтық істердің саны күрт артып отыр. Бұл азаматтардың сот жүйесіне деген сенімділігін аңғартады. 2015 жылдың 12 айында 16 750 іс қаралды, оның 9 897-не нақты шешім шығарылды»,-деп атап өтті Ғ.Насридинов.

Сот төрағасының айтуынша, 2014 жылы 15 133 іс қаралып, оның 8 876-на шешім шығарылған. Бұдан соттардың іс қарау жұмысы 10 пайызға артқанын көруге болады.

«Біз әділсоттың сапасын арттыруды айрықша қадағалаймыз. Сот актілерінің өзгеріске түсуі 0,7 пайыз ғана. Жалпы қаралған азаматтық істер әділ және сапалы түрде қаралады.»,-деп атап өтті Ғ.Насридинов.

Сондай-ақ, Аламаты аудыны сотының төрағасы әділсотқа жүктелетін міндеттерге тоқталып, 2015 жылы атқарылған жұмыстардың нәтижесі турасында баяндама жасады.

Барлық жаңалықтар